الطريقة الصحيحة من اجل الربح من الانترنت بشكل مجاني وسهل للجميع من المحترفين للمبتدئين تجميع لأفضل استراتيجية كسب المال من الأنترنت.
فى بعض الأحيان نتسأئل عن كيف أربح الأموال عبر الإنترنت بسهولة وهل يمكننى تحقيق ذلك؟ نعم يمكنك ذلك مع هذا الشرح الرائع سوف تحقق حلمك هذا بواسطة هذا الشرح الممتع الطريقة الصحيح من اجل الربح من الانترنت بشكل مجاني وسهل للجميع من المحترفين للمبتدئين تجميع لأفضل استرتيجية كسب المال من الأنترنت انها تعتبر من افضل واسهل الخطط على الاطلاق لكسب المال لاكن أهم شئ فى الإستراتيجية هو الصبر. الربح سيبدأ قليلاً لكن مع الصبر و المثابرة سوف تزيد أرباحك و يتحقق لك ما تتمناه ان شاء الله.. وهذا ما سنتناوله فى هذا الشرح... فى رعاية الله...
العناصر
1-Adfly
2-AdYoume
3-File Upload
4-Facebook
5-Blogger
6-Rabbit
7-PayPal
الــــــــــــــــشــــــــــــرح
[1]أولاً (Adfly)
هو عبارة عن موقع اختصار للروابط بيديك على كل 10000 مشاهدة 5$ دولار . يعنى ايه اختصار روابط . يعنى انتا مثلاً بتتفرج على فيديو على اليوتيوب والفيديو ده بيشرح مثلا برنامج معين وانتا خلاص خلصت الشرح وعاوز تحمل البرنامج فصاحب الفيديو بيكون حاطط لينك البرنامج في الديسكريبشن (الوصف) تحت الفيديو علشان انتا وغيرك تحملوه فبدل ما تدخل على الرابط التحميل مباشر فهو بيعمل اختصار للرابط ده علشان تعدي على موقع الـ ِAdfly وبكده تكون سجلت ليه مشاهدة وبتتحسب سنتات ليه شوف بقي كام واحد هيتفرج على الفيديو ده او اللي لسة هيتفرجوا .
[2]ثانياً (AdYoume)
زيه زي AdFly بس ده كريم شوية بيديك على كل 10000 مشاهدة 15$ دولار .(مستحسن)
[3] ثالثاً (FileUpload)
هو عبارة عن موقع رفع وتحميل للملفات بجميع انواعها وبيديك على كل 1000 ميجا بايت اتحملت من خلالــــك 3$ دولار .مش فاهم؟ عارف موضوع الفيديو بتاع اليوتيوب اللى كان فى اختصار الروابط ده ؟ ده بقى الموقع اللى انتا بتروح عليه بعد ما تعدي الاختصار علشان تحمل البرنامج . وكل ما تكون شغال اكتر هتحصد اكتر واهم حاجة الشهرة بالإيجاب يعنى حاجة الناس بتحبها وبتستفيد منها.
[4]رابعاً (Facebook)
طبعـا ده موقع غني عن التعريف بس تقدر تستـفاد منه وتكـسب منه الاف بمعنى الربح يعنى ممكن تعـمل منـه رأس مـال ودخل كـمان طبعا ده موضـوع طويـل جدا جدا ويـعتبر اطول شرح ومستقل بذاته يعنى من الاخر ركز معايا حلو ..بص يا معلم انا هدخـلك في صلب الموضوع لان انـتا اكـيد عارف ازاى تعمل حسابـات فـيس بـوك مفيهاش صعوبة تمام؟ اللي جاي ما تستغربش منه كمل للاخر وانتا هتعرف ان كل ده بفايدة. هـتعملك حوالي 50 حساب فيس(فيك) بإسم بنت حلوين وصور جامدة تجذب الفييسة هتظبط الايميلات علشان متتقفلـش مـنـك وتأكدها بروسي أحسن وارقام تليفونات .
طبعا لو مش عارف ايه الروسي ده اتفضل ده شرح ليه من هنا ولومش عارف تجيب ارقام تليفونات منين لكل ده . هشرحلك الموضوع ده في فيديو وده الرابط من هنا وكمان تأكدها بهوايات لو عرفت وبرضو ليها شرح خاص لوحدها وده رابط الشرح ازاى تصنع الهوية من هنا وده رابط شرح ازاى تأكد الحساب بالهوية من هنا بعد ما تأكد وتظبط الإيميلات وتبقى جاهزة بأسامى بنات وصور مناسبة ,هتدخل على كل ايميل واحد واحد وتبعت من كل ايميل 100 طلب صداقة واعمل تسجيل خروج والتانى نفس النظام وهكذا... لحد ما تخلص ال 50 ايميل هترجع بعد يوم هتلاقي ال 100 طلب جبولك 1000 طلب صداقة معاهم واقبلهم متسبش حاجة متعلقة عارف ليه؟ لان اخر عدد الطلبات المبعوتة ليك 1000 طلب ولو حد تانى عاوز يبعتلك مش هيعرف فأنتا حاول تقبلهم كلهم .المهم كل يوم تبعتلك 100 طلب وتقفل وتفتح تانى يوم يعنى على 5 ايام هتكون مقفل ال50 ايميل 5000 صديق طبعاً ده لو انتا تعبتنى وشغال على طول في ال5 ايام, لاكن بعد كده هتستريح لان مفيش حاجة بتم الا بتعب وما تملش.المهم. انا عملت ال50 ايميل وقفلتهم اعمل ايه تا؟ هقولك هتعمل ايه.اول حاجة الايميل المتأكد بيتباع على 40 و 50 و60 جنيه للواحد واللى مش متأكد ب 20 و25 و30 جنيه للواحد تبع الزبون اللى بتتعامل معاه .طبعا هناخد متوسط سعر البيع اللى هو 40 للمتأكد و25 للغير متأكد .لو ب 40 هيبقى (50ايميل x 40جنيه=2000 جنيه) ...ولو ب 25 هيبقى (50 ايميل x 25 جنيه=1250 جنيه ) طبعا ده لو هتبعهم على طول , إنما غير كده فى مواويل تانية . وهنعرفها بالتفصيل مع بعض. ايه هي المواويل دي؟ بص يا معلم إحسب( 50 ايميل x 5000 صديق = 250000 فريند) الفريند دول ممكن تستخدمهم فى تزويد جروبات اول بيدجات او ممكن تستخدمهم فى الشرح بتاع اختصار الروابط وا الشرح بتاع رفع الملفات . ممكن تستخدمهم فى حاجات كتير بس هنركز على الجروبات والبيدجات .
أولاً:الجروبات
ممكن تشتغل بيهم تزويد جروبات (تزويد اعضاء للجروب) مكن تزود ال 1000 عضو ب 10 جنيه خليهم مثلاً على 10 جنيه يعنى (10 جنيه x 250000 ÷ 1000 = 2500 جنيه) طبعا ممكن انتا تزود جروب لنفسك وتبيعه.
ثانياً:البيدجات
ممكن تشتغل بيهم تزويد بيدجات (تزويد معجبين للبيدج) ممكن تزود ال 1000 ب 15 او 20 جنيه خليهم مثلاً ب 15 جنيه يعنى (15×250000÷ 1000= 3750 جنيه ) جنيه طبعا ممكن تعمل اكتر من كده والطرق اللى هتزود بيها الجروبات والبيدجات كتييير وممكن اسيب شروحات ليها على القناة علشان محدش يتعب وبحيث تكون طرق مضمونة الليلة دى كلها هتجمعلك منها قد ايه ؟ تعاله نحسب مع بعض مثلا لو انتا هتخلص في شهر (2500 جنيه بتوع الجروبات + 3750 جنيه بتوع البيدجات = 6250 جنيه ) طبعا ده لو انتا مش حابب تبيع الايميلات اما بقي لو هتبعها وتشتغل من اول وجديد ( 2500 جروبات + 3750 بيدجات + 2000 ايميلات = 8250 جنيه) .ربنا معاك.
[5] خامساً (Blogger)
هى عبارة عن خدمة من خدمات جوجل علشان تسهل على مستخدميها انشاء مدونات خاصة بهم وربحية .تستخدمه فى ايه وايه دوره فى كل ده .دوره يا معلم انك هتدخل على الموقع Blogger ده بس لازم تكون عامل حساب على جوجل وده شرح ازاى تعمل حساب على جوجل من هنا وده شرح ازاى تعمل مدونة من هنا طبعا بعد ما تعمل الحساب وتعمل المدونة بتاعتك وتختار السيو او التصميم بتاعها اللي يعجبك ونكتب عنوان المدونة مثلاً (أخبار المشاهير) او (اخبار النجوم) او ( News) المهم يكون عنوان متوافق مع الشغل اللي هتنشره بعد ما تعمل المدونة وتخلصها هتجبلك كام موضوع فى كام صفحة مختلفة فى المدونة لازم كل موضوع في صفحة تانية غير الصفحة يعنى ما تعملش موضوعين في نفس الصفحة عندك المدونة ممكن تعمل مليون صفحة . المهم ايه اللى انا هنشره؟ هتنشر مثلاً (حفل زواج الممثلة ...... مع النجم ......) او (النجمة ....... بالمايوه فى .......) مثلا يعنى وده مثال لده من هنا. المهم حاجة تكون مجذبة للناس وهتروح تاخد لينك الموضوع ده وتعمله اختصار فى موقع AdFly او موقع AdYoume اللى احنا شرحناهم قبل كده وتاخد الاختصار تنشره فى صفحات ال 5000 بتاعة الفيس او اى جروبات نشطة مع عنوان جذااب للموضوع طبعا فيه البعض هيعجبهم الموضوع وهيتسابقه عليه و هيعوزوا يدخلوا عليه علشان يقرءوا واول ما يضغط على الرابط هتتحسب مشاهدة فى AdFly او AdYoume وعد بقى كام واحد هيعجبه الموضوع.
[6]سادسا (Rabbit)
هو عبارة عن موقع بيديك صلاحية VPS بسرعة عالية جدا بتوصل (700 Mb/s Download) و (500 Mb/s Upload) بس لازم تسجل فيه . هو فى الاصل غرفة شات اونلاين بس بيديك صلاحية VPS لكل المواقع ومشاهدة المباريات بدقة عالية وبدون تقطيع وده يعتبر موقع امريكي فى الاصل بـ IP امريكي يعنى اكنك فاتح من امريكا .وده رابط شرح لطريقة التسجيل فيه من هنا . المهم.ايه علاقة ده بالاستراتيجية ؟ ده هترفع من عليه الملفات الكبيرة على موقع FileUpload مثلاً لو ملف كبير او فيلم بمساحة كبيرة مش هياخد منك 5 دقايق ويمكن اقل بس ده تبع السرعة اللى هيدهولك هرفع ازاى ؟ طبعا هتاخد رابط الفيلم اللى انتا عاوز تنزله الاول علشان ترجع ترفعه على FileUpload هتاخد الرابط وتروح تفتح المتصفح بتاع الـ VPS وتحط الرابط وتعمل سيرش هيوديك لصفحة تحميل الفيديو هتحمله وبعد ما يحمل بسرعة من على الـ VPS هتسجل فى FileUpload وترفع الفيديو اللى انتا نزلته عليه طبعا ده كله واحنا فى موقع Babbit وده شرح ملخص لده علشان تعرف تفهم كويس من هنا .
[7] سابعاً (PayPal)
هو عبارة عن موقع تقدر تحول عليه رصيد بالدولارات من مواقع الربح او تستقبل عليه من حد تانى برة مصر او من باى بال تانى. وده رابط شرح التسجيل فيه من هنا . ايه فايدته فى الاستراتيجية؟ الموقه ده اللى هتقدر تسحب ارباحك من على موقع AdFly و AdYoume و FileUpload والارباح بتبقى عليه لو بعد 100 سنة وطبعا ده شرح ازاى تقدر تسجل فى الباى بال وتعمسل حساب عليه.
(ملحوظة) علشان تقدر تسحب اموالاك وارباحك على الباى بال ويشتغل معاك لازم تربطه بفيزا علشان يشتغل معاك ولو معاك فيزا خاصة بيك هيبقى احسن ليك وهيبقى من السهل تسحب فلوسك من عليها اما بقى لو مش معاك فيزا ف ده شرح لازاى تربط حساب الباى بال بفيزا من هنا (ملحوظة) طبعا هتسالوا تب لو انا ربط الحساب بفيزا زي اللى فى الشرح هتأثر عليه او فلوسي هتتسحب ؟ لا مش هتأثر ولا هتتسحب الفلوس هتفضل عليه وممكن تبيع الحساب ذات نفسه .
اتفضل ده جروب هيفيدك لو هتبيع حاجة هيشتروا منك من هنا .
اتفضل ده جروب هيفيدك لو هتبيع حاجة هيشتروا منك من هنا .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جميع الحقوق محفوظة لدى ©Tecno Hall 2017تم كتابة هذا الشرح بدون مراجع بواسطة Ashraf Mohamed Abdellahيسمح بإعادة النشر لاكن بذكر المرجع فقط
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعليقات
إرسال تعليق